Champhai a Mizoram State University dah turin District NGO in Sorkar ngen nawn

by Editor

Tualchhung News

ZORAM TODAY| 26th August, 2025: Vawiin khan Champhai District NGO Co-Ordination Committe chuan thuchhuah siamin, Mizoram State University Champhaia dah turin Mizoram Sorkar an ngen nawn tih an sawi.

"Mizoram State University hi Mizoram khawchhak hmunpui, Champhaia dah tura Mizoram Sawrkar kan ngenna min tihhlawhtlin sak hram turin kan ngen nawn leh a ni," an ti a. NGO Co- ordination Committe chuan, "Champhai ah University Eastern Campus kan lo dil tawh thin ang a, Campus nei tura College pahnih-pathum tal neih a ngaih si avangin Champhai-ah Morning emaw Evening College emaw tal din tura mipui inruahman turin kan ngen a ni," an ti bawk.

Champhai luhka, Khankawn-Kanan laih zauhna tura Sawrkarin SASCI Fund min ruahman sak hmanga theih ang tawka laihzauh hna thawh anih theihna'n harsatna tuma'n siamlo turin Champhai District NGOCC chuan kan ngen a, Champhai Ring Road pawh hetiang bawka SASCI Fund hmanga laih tur anih avangin, hnathawktu turte rawn inruahman ang ngeia, hna an thawh theihna'n kan theihna zawn theuhah tanla turin department leh mipuite kan in ngen, tiin an thuchhuah ah tarlan a ni bawk.

Champhai District NGO chuan, "Champhai District Hospital in kan mamawh em em, Radiation Oncologist(cancer doctor ) min pek avangin kan lawm a, doctor puitu tur train Nurse 2/3 pawh thlathar September atanga train thei tura ruahmanna min siamsak avangin Sawrkar chungah lawmthu kan sawi nawn leh e," an ti bawk.